Kettlingur á heimilið
Það er ýmislegt sem þarf að huga að þegar kemur að því að bæta við heimilismeðlim.
Hér er ekki ætlunin að fara ítarlega í alla þætti þess, en segja frá því helsta sem gott er að vita.
Til að byrja með er gott fyrir alla að vita að kettlinga má ekki afhenda nýjum eigendum fyrr en við 8 vikna aldur hið fyrsta (við mælum með að kettlingar fari ekki á ný heimili fyrr en 12 vikna) samkvæmt reglugerðum um dýravernd. Verði fólk uppvíst af broti á þessari reglugerð skal það tilkynnt strax til Matvælastofnnunar, www.mast.is .
Það er nauðsynlegt að athuga hvort að nýji kettlingurinn verði bólusettur, ormahreinsaður og/eða örmerktur af ræktandanum áður en nýjir eigendur taka við. Það er í raun eitthvað sem allir ábyrgir ræktendur gera til að kettlingarnir fari með grunnvörn og fasta auðkenningu út í hinn stóra heim sem bíður þeirra.
Kettlinga þarf að bólusetja tvisvar með 3-4 vikna millibili fyrstu mánuðina en yfirleitt er fyrsta sprautan gefin um 12 vikna aldur. Eftir það er bólusett einu sinni á ári. Bóluefnið sem notað er á Íslandi heitir Leukofeligen og ver ketti gegn Kattafári (feline panleucopenia), kattaflensu (feline viral rhinotracheitis), og caliciveiru. Kettir þurfa einnig ormahreinsun árlega en ormahreinsun er einungis hreinsandi meðferð sem drepur orma í þeim tilfellum sem dýr eru komin með ormana. Ormahreinsun kemur ekki í veg fyrir að kettir smitist af ormum eftir hreinsunina og því er alltaf gott að fylgjast vel með heilsu kattarins alla daga, allt árið.
Það getur verið kostnaðarsamt að eiga kött. Það getur því verið gott að ráðfæra sig við einhvern sem á kött um það hvað má gera ráð fyrir að kostnaðurinn sé á hverju ári. Kettlingar gera sér svo enga grein fyrir því hvort að skórinn sem þeir nöguðu/tættu í morgun þegar þú ákvaðst að leggja þig var 999kr inniskór eða 59.999kr gönguskór, vert er að taka fram að þeir geta fundið sér ýmislegt annað til að naga og tæta en skó ef ekki er fylgst með þeim og/eða ekki nóg um leikföng og nagdót á heimilinu. En kettlingar þurfa að leika sér, þeir naga margt og þeir leika mikið. Þetta er bara partur af því að vera kettlingur. Flestir kettir brýna klærnar allt sitt líf, en læra með leiðbeiningu frá eiganda hvað má klóra og hvað ekki, en það er góð regla að þeir komist alltaf í eitthvað sem þeir mega klóra.
Slys og sjúkdómar geta sett stórt strik í reikninginn þegar kemur að dýrunum okkar. Því miður er dýralæknakostnaður ekki niðurgreiddur eins og lækniskostnaður hjá okkur mannfólkinu og því mælum við eindregið með því að fólk sé með dýrin sín slysa- og sjúkdómatryggð. Gæludýratryggingar ættu að fást hjá öllum tryggingafyrirtækjum.
Hér er ekki ætlunin að fara ítarlega í alla þætti þess, en segja frá því helsta sem gott er að vita.
Til að byrja með er gott fyrir alla að vita að kettlinga má ekki afhenda nýjum eigendum fyrr en við 8 vikna aldur hið fyrsta (við mælum með að kettlingar fari ekki á ný heimili fyrr en 12 vikna) samkvæmt reglugerðum um dýravernd. Verði fólk uppvíst af broti á þessari reglugerð skal það tilkynnt strax til Matvælastofnnunar, www.mast.is .
Það er nauðsynlegt að athuga hvort að nýji kettlingurinn verði bólusettur, ormahreinsaður og/eða örmerktur af ræktandanum áður en nýjir eigendur taka við. Það er í raun eitthvað sem allir ábyrgir ræktendur gera til að kettlingarnir fari með grunnvörn og fasta auðkenningu út í hinn stóra heim sem bíður þeirra.
Kettlinga þarf að bólusetja tvisvar með 3-4 vikna millibili fyrstu mánuðina en yfirleitt er fyrsta sprautan gefin um 12 vikna aldur. Eftir það er bólusett einu sinni á ári. Bóluefnið sem notað er á Íslandi heitir Leukofeligen og ver ketti gegn Kattafári (feline panleucopenia), kattaflensu (feline viral rhinotracheitis), og caliciveiru. Kettir þurfa einnig ormahreinsun árlega en ormahreinsun er einungis hreinsandi meðferð sem drepur orma í þeim tilfellum sem dýr eru komin með ormana. Ormahreinsun kemur ekki í veg fyrir að kettir smitist af ormum eftir hreinsunina og því er alltaf gott að fylgjast vel með heilsu kattarins alla daga, allt árið.
Það getur verið kostnaðarsamt að eiga kött. Það getur því verið gott að ráðfæra sig við einhvern sem á kött um það hvað má gera ráð fyrir að kostnaðurinn sé á hverju ári. Kettlingar gera sér svo enga grein fyrir því hvort að skórinn sem þeir nöguðu/tættu í morgun þegar þú ákvaðst að leggja þig var 999kr inniskór eða 59.999kr gönguskór, vert er að taka fram að þeir geta fundið sér ýmislegt annað til að naga og tæta en skó ef ekki er fylgst með þeim og/eða ekki nóg um leikföng og nagdót á heimilinu. En kettlingar þurfa að leika sér, þeir naga margt og þeir leika mikið. Þetta er bara partur af því að vera kettlingur. Flestir kettir brýna klærnar allt sitt líf, en læra með leiðbeiningu frá eiganda hvað má klóra og hvað ekki, en það er góð regla að þeir komist alltaf í eitthvað sem þeir mega klóra.
Slys og sjúkdómar geta sett stórt strik í reikninginn þegar kemur að dýrunum okkar. Því miður er dýralæknakostnaður ekki niðurgreiddur eins og lækniskostnaður hjá okkur mannfólkinu og því mælum við eindregið með því að fólk sé með dýrin sín slysa- og sjúkdómatryggð. Gæludýratryggingar ættu að fást hjá öllum tryggingafyrirtækjum.
