Hvolpaspjall

Hvolpaspjall er skemmtileg nýjung hjá okkur en nú bjóðum við öllum hvolpaeigendum upp á ókeypis hvolpaspjall. Þetta er stuttur tími þar sem þú ræður hvort þú mætir með hvolpinn eða ekki. Þú stjórnar ferðinni og færð aðstoð við það sem þér finnst þú þurfa aðstoð við, hvort sem það er að gera hvolpinn húshreinan, minnka hvolpaglefs, innkall, samskipti hunda, upplýsingar um bólusetningar eða eitthvað annað tengt hvolpinum.
Hvolpaspjall er í boði alla virka daga milli kl. 13 og 15. Hringdu í S: 544-4544 til að panta tíma.

Þjálfunarvandamál

Ýmis vandamál geta komið upp varðandi hegðun og atferli hunda, sem gera fólki erfitt fyrir á heimilinu.  Oft er erfitt að sjá fram úr  vandamálinu sjálf og þá er gott að geta leitað aðstoðar, því mörg þessarra vandamála er hægt að leysa.  Berglind Guðbrandsdóttir hefur lokið tveggja ára námi í hundaþjálfun og -atferlisfræði frá bandaríska skólanum The Academy for Dog Trainers og býður upp á einkatíma. Hún notast eingöngu við jákvæðar þjálfunaraðferðir.

Atferlisviðtal fer þannig fram að pantaður er tími og í fyrsta tíma er farið yfir sögu hundsins og eigendum gefin ráð til að gera hlutina bærilegri þar til þjálfun hefst. Viðtalið tekur um 1-2 klst. Eigandi fær svo sent sundurliðað þjálfunarprógram. Í mörgum tilfellum er eftirfylgni mikilvæg og í þeim tilfellum mælum við með að koma reglulega til að fá aðstoð þar sem vandamál kunna að koma upp. Í flestum tilvikum er eingöngu um að ræða þjálfunarmeðhöndlun, en í einhverjum tilfellum getur verið gagnlegt að nota lyfjameðhöndlun samhliða meðferðinni. 

Fyrsti tími kostar 19.000 krónur og hver tími eftir það kostar 9.000 krónur. Ef ekki er þörf á þjálfunarprógrammi og eftirfylgni kostar tíminn 12.000 krónur.

Hafið endilega samband við okkur til að fá nánari upplýsingar í síma 544-4544 eða í gegnum tölvupóstinn [email protected]