Hundanudd

Hundanudd er gott fyrir alla hunda, hvort sem þeir eiga við vandamál að stríða eða ekki. Hundar stirðna upp með aldrinum og það má finna vöðvabólgu í mörgum fullorðnum hundum. Vöðvabólga er alveg jafn óþægileg fyrir hunda og fyrir fólk, þó svo að hundar sýni það oft ekki þegar þeir finna til í líkamanum.
Hundanudd er mikilvægt fyrir hunda sem stunda mikla hreyfingu, til að koma í veg fyrir meiðsli.
Hundanudd er einnig mjög gott til að venja hunda við snertingu. Snertingin kennir hundum að treysta og hjálpar þeim að slaka á. Hundanudd er sérstaklega gott fyrir hunda með gigt eða meiðsli. 
Hundanuddarinn okkar, hún Berglind, er lærður hundaþjálfari -og atferlisráðgjafi og kann því vel til verka þegar kemur að því að venja hrædda hunda við snertingu. Oft eru hundar hræddir við snertingu vegna þess að þeir finna til. Berglind lærði hundanudd í bandaríska skólanum Chicago School of Canine Massage.

Við mælum með hundanuddi á a.m.k. á 6 mánaða fresti fyrir alla hunda sem eru 7 ára og eldri. Þannig er oft hægt að grípa lítil vandamál áður en þau verða að langvarandi.

Til að panta tíma í hundanudd er hringt í síma 544-4544. Hægt er að panta tíma á milli kl. 10:30 og 14:00 alla miðvikudaga.